蕭安居牧師 《台灣教會報》430卷，1921年1月

吳寬裕傳道（1843-1920） 是馬偕在台宣教首批五果子之一。

《教會史話》有多處談及，如 165,  258-259,  260-261,  278。

吳寬裕傳道，ti7今（1920）年新11月14號有過身，15號有出葬。有西國牧師、姑娘、先生佮本地牧師、傳道師，以及會友幾若百人ka7伊送葬。享壽78歲。

北部設教e5時，有5個人第一第先來領洗禮，伊是hit中間e5 1個。其餘hit 4人攏已經相續過身了。只有吳傳道食到今年。Thang講伊不止有福氣。Ti7教會中也thang講伊是第一早入教e5人。伊未聽道理以前，是teh做油漆e5經紀，真出名，有不止濟人請伊四界去做工。伊也有來滬尾油漆。所以ti7主後1872年10月有聽著主e5道理。伊隨時反悔來信主，經過1年是1873年3月9號（按2月9日才對，就領受洗禮。

對an2-ni做偕牧師e5學生，後來做傳道。有tiam3濟濟位e5拜堂傳道理，真出力，不止gau5招呼人來聽。伊所tiam3 e5拜堂就是： 八里坌，大龍磅、三重埔、雞籠（基隆）、新竹、宜蘭街、掃笏、新社、侖仔頂（三角埔）、大稻埕、新莊、桃園、五股坑、暖暖、士林、淡水、和尚洲、牛埔庄（雙連） chiah e5所在。今伊已經過死河，的確入天城e5門，teh享受長活e5福氣。實在憂悶thang變做歡喜。