林清官是泉州城外e5人，20年前才來台灣，tiam3 ti7艋舺布埔街做生理，了後有來艋舺拜堂聽道理，就反悔改變來信主。過無偌久就搬去枋橋（板橋），ti7 hia猶原照舊熱心服事上帝，常常去板橋拜堂禮。伊不止欣慕ai3做主e5工，ti7明治37年（1904年）9月有入淡水神校讀冊，到明治42年（1909年）就卒業。有受派去tiam3幾若位e5拜堂做傳道師，就是掃笏、羅東、頂雙溪。到舊年（1914年）12月有對傳道局稟請i3轉去泉州探伊e5老母kap伊e5親戚。傳道局允准，就kap伊e5某相kap做陣轉去。到今（1915）年3月koh再來台灣，猶原照舊ti7頂雙溪做e5工。若是路中有染著病，倒來就那久那傷重；後來入ti7馬偕醫館。可惜食藥無應效，就過往ti7院內，享受39歲。外國牧師本地牧師傳道師幾若個，kap神學校e5學生以及會友有來送葬。