黃六點撰 《台灣教會公報》 677 期 1941年8月 p.22-23 （北部教會 187號）; 678期 1941年9月 p. 24-25（北部教會 1878號）。 原文是白話字。

世界所注目的日本新教倚40个教派，合同做一个教團，照所預定佇 (1941年) 6月24，25有開歷史的創立總會，佇東京日基富士見町教會。這个合同教團，除聖公會以外，新教各派大概有參加。

這个合同，毋是做一時大家成做白紙用一个統理這个機構(機構)這个信條(信條)彼款實質t的 的合同，因為各派有各樣的歷史佮特色，所以毋敢做一時改廢，有暫時容允各教派的傳統佮信仰的特色。

聖公會無參加是真殘念（可惜），救世團因為是社會事業團體佮事業團體佮聖禮的關係，起頭想無欲參加佇這个教團，若是後來也有正式參加。這个教團起頭是欲設10部的教會，若是加救世團的參加，所以加設一部，共11部的教會。

各部教會通派怹的代表共317名做總會的議員，所分配的議員數就是；

第一部教會(日本基督教會) 86名

第二部教會(日本メソヂスト教會) 63名 ;( 日本美普教會) 4名

第三部教會(日本組合教會) 47名; (日本基督同胞教會) 4名;

(日本福音教會) 4名 ; (基督教會) 3名

第四部教會(日本バブテスト教會) 10名

第五部教會(日本福音ルーテル教會) 10名

第六部教會(日本聖教會) 22名

第七部教會(日本傳道基督教團) 13名

第八部教會(日本聖化基督教團) 10名 ; (自由メソヂストナザレン同盟世界宣教)

第九部教會(きよめ教會其他一致教會) 10名

第十部教會(日本獨立基督教同盟會) 11名

第十一部教會(日本救世團) 10名

所派的議員是信徒所來派全教團有25萬个信徒，大概是差不多800个通派一个的標準，也第一部教會日基通派86名的中間，對日基台灣中會有派2名去赴總會。

也這个教團對機構特別委員會有制定 520 條的教團規則，佮 20 條附則，關係信條抑是教義的問題，猶無有統一的-，是容允各 ブロツク通暫用怹教示的信條，向望到ブロツク制就是 11部教會制介紹的時，有一個真好的信條。教團財政的負擔是聯盟負擔的 2 倍。這制猶原暫時照舊到後來欲分做 2 款的名稱，就是正教師佮教師保。

-------------------------------------------------------------------------------------------------------------------

本教團教義大要有按呢制定。

聖書に於て啟示てられたる父、子、聖靈なる三位一体の神は世のため死にて甦り給へる御子イエスキリストの贖によりて信ずる者の罪を赦し之を義としを潔め永遠の生命を與へ給ふ教會はキリストの体にして恩寵によりて召されたる者の禮拜を守り聖禮典を行ひ福音を宣傳へ主の來り給ふ待望を團体なり。

也有宗教局當局的來意，愛予全信徒會通全面的透徹奉國民的意識，所以也有訂親像下面的信徒的生活規定信徒生活綱領。

本教團に屬する信徒は万世一系の天皇を奉載する臣民として皇運を扶翼し奉り國体の精華を發揚せくことを努むべし。本教團に屬する信徒は本教團の教義を奉じ聖日を守り公同の禮拜に與り聖餐に陪し敬虔の修行を積み教會員たるの義務に服すべし。本教團に屬する信仰を磨き純潔なる生活を營み愛の業に勵み身を修め齊へ社會風教の改善に努むべし。

按呢通講咱本國新教 (Protestant) 的全教派，大家通拆開相隔離的牆，成做一員來大同團結是真感謝。此後對日本教化抑是對外傳道的諸方面，穩當有通大大予咱期待的所在。新教團的機構，大概是照宗教團體法所要求用本部，教區，教會的 3 段來組織

新教團的機構，大概是照宗教團體法所要求用本部，教區，教會的3段來組織。

A.本部諸機關。全教團的統理者的任期是 2 年，對總會來選舉；也教團統理者的下面有分8 局，就是總務，國內傳道，國外傳道，教育，財務，婦人事業，厚生，木版。教育局的內面閣分做日曜學校部，青年部，學校部，幼稚園部等的 4 部。財務局閣分財務部佮溫拾部的兩部。這中間總務部長欲用專任，其他 7 局長是兼任；8 局的以外閣有 6 个常置的委員會：就是法制，教師檢定，人事，企劃，審判，會計，監查等的委員會；中間教師檢定委員會有閣分做正教師檢定委員會 教師補檢定委員會，也審判委員會有閣分做特別審判委員會，佮通當審判委員會。

這 6 个常置的委員會是常議員會來選舉，委員長是委員的互選。本教團也有佇幾若名的參與。參與就是各部教會的代表，是欲予本部的機關佮各部的教會有連絡，因為這个必要上參與通佮局長來組織教務會。

B.教區，教區會。這个教團有照地理的來分做北海，東北，東京，東海，中部，近畿，中國，九州，臺灣，朝鮮等 11 个教區；以外閣加滿州，中華，南洋的三布教區。各教區通組織教區會，也教區會照教團規則來看，是真重要的存在。像教師的試驗抑是按手禮等也是教區會所著處理執行的。總是有ブロツク制佇 teh 的中間，教區會所有的權限的大部份是照舊規佇各部教會的機關 teh 執行。所以現時各部教會通暫時照怹在來的款來開。部總會抑是部教區會來代理教區會工程。也各教區有閣設置用府，縣做單位的支教區，這是因為各府，縣對宗教團體所 teh 取締的規則有淡薄各樣的關係來設的。彼个主要的工程，就是佮官廳方面的連絡，抑是取扱官廳關係的事務。

C.個個的教會。大概是佮前相款，干焦教會主管者的任免手續有統一的必要，所以有參考招聘的制度。就是主管者的候補者，對教會來揀予教團統理者任命。也教師有分做兩款，就是正教師佮教師補，正教師就是按手了的，教師補就是猶未按手--的。

按呢照以上所講，這款的組織彷彿佮咱的小會，中會，大會的機構有大同小異的款。若是這中間第一著現的特色，就是有日本的的性格佇 teh，就是佇日本的國土所發生的，也大家不止有熱切的意思欲予這个教團做日民的教會。

這个教團毋但本國的眾基督徒所 teh 關心注意的爾定，連外國的信徒也不止愛知。這時新新欲出發的教團，因為愛予海外的兄弟有四正的認識，所以有揀 5 名的委員欲將本教團的規則翻譯做英語，大大對全世界來宣傳這个日本的教團的特色。