恆春黃明智長老

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

戴榮旋 小傳黃明智長老《台灣教會報》467卷,19242


黃明智長老是黃旺長老e5大公子,出世ti7 1886 105日。長老e5天資真懸,是台北農業學校e5優等生。卒業後奉職ti7恆春做獸醫,後來做虎頭山e5區長5 年久。改政後做本庄e5助役兼參事協議員。後來辭助役,出來做實業。

Ti7 1917年受設立做執事,也1921年升做長老。

Ti7 15日下午3點舉行葬式,會葬者300左右人。其中有本郡e5庶務課長、警察課長、庄長佮以下e5屬官,紳商真濟。弔軸70外枝,實在真盛況。抵好滿牧師佮牧師娘ti7 13 暗到恆春,所以請伊主理葬式,若是在下也禁得無講長老淡薄e5來歷。

chit個人,有幾若項hou7thang紀念:

  1. 好親近。雖然地位懸iau2- ku2篤實好親近,hou7一般e5人所o-lo2。對伊破病起,我若出門去探會友,就有會外e5teh「今明智兄e5病有較好無?」我應講「無。」人就吐氣講Chit人若死,是恆春e5無福氣,因為不論甚物人,若有難直e5事,或是官廳抑是佮人不直,伊若做會到常替in設法,抑是替in取和。」

  2. 富有公益心。離恆春無偌遠有一個溫泉真好(全台第一)。可惜無有抵好e5設備,洗浴e5客真困難。政府有講behhia建築浴間佮休憩所、旅館。長老聽了真歡喜,佮伊兩個朋友liam5-mi寄付4000 銀做chite5建築費。其他凡若屬ti7公益e5事,無m7盡力去做。

  3. 對教會。會友若是佮政府有甚物事誌,抑是傳教人對保甲、官廳有甚物關係ka7伊講,伊就逐項設法到好勢,攏m7免傳教人勞心苦戰。也不止gau5体貼幫贊傳教家,看著chia e5會友相離真遠,beh去巡會友不便。我來e5時,伊問我看會曉騎車抑be7? 我講:「TaN-a2teh學。」長老liam5-mi牽一張車來hou7我用,是伊家己寄付e5。教會e5捐項伊也是真出力,做頭行hou7toe3。所以 長老e5死堪稱教會失落一枝e5棟樑。也傳教家減1個幫贊lah!

  4. 長老e5信。伊破病e5時,我常常去探伊,替伊祈禱。伊就真歡喜,總是有時有事誌阻擋,較濟日無去,伊liam5-mi叫伊e5子來請我去。我到位,問伊看叫我beh tai7。伊講:「幾若日無佮你講話,心肝無啥平安, ai3請你替我祈禱。」祈禱煞心肝就嶄然較平安。後來我問伊看病chiahbe7好,伊e5心肝有平安抑無? 伊講:「萬事倚靠上帝。我平日有對重世間較過頭,今天父教示我,這是應該。」攏無有顯出怨恨e5款。又閣bat幾若擺大艱苦,險死去,當the beh -m7知人e5時,就直直叫,「主ah! 救我」常常是an2-ni

  5. 長老e5死。Beh離開世間e5代先,佮伊所親疼e5老父佮小弟、某子親人相辭了後,叫講:「主ah! 救我ah! 救我」雙手舉懸,目珠放kheh,安然睏去。

親像chite5死,實在較贏死失,因為上帝beh拭去伊攏總e5目屎;無beh koh有死失、哀傷、痛疼、喉叫;因為世間所有e5艱苦,今已經過去lah! 長老beh過身e5時,有1個會外e5朋友企ti7e5身邊teh看伊死;看了續講伊m7 bat看著chite5安然過世。

我寫chiah-e5分眾看報e5兄姊看,ng3望有thang做咱e5利益,續請替in家內祈禱。Hou7 in toe3伊腳步行,到死無放sak主,是心所願。

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述