傳道趙爵祥小傳 

彭士臧 「趙爵祥小傳」 《台灣教會報》399卷，1918年6月

關於趙爵祥的傳道生涯，請參見《教會史話》345 趙爵祥的傳道生涯 393 趙爵祥傳道售經記 。

關於長子遇難請見《教會史話》348 趙天恩在麻豆遇難。關於系譜，請見《教會史話》台南趙進水之系統。

趙爵祥先生是台南市e5人。伊出世ti7主後1847年。自細漢有讀冊，伊e5大人（父親趙進水）是做生理。先生兄弟兩人（兄趙象），ti7 20歲e5時老母過身。對hit3 tiap8了後心較ai3放肆，四界遊賞。Ti7 22歲e5時才得著道理，是對伊e5厝邊有1個拜上帝e5人，名叫金聲兄招伊去禮拜。Hit3 tiap8拜堂i7亭仔腳街，tu2 tu2 ti7 in e5店後。Hit時先生歡喜kap伊常常去禮拜，主有開伊e5心，道理漸漸明白；總是伊e5兄無ai3伊去，常常譏刺鄙馭伊，也怨恨金聲兄，講若無伊招，伊就無去入教。先生攏無掠做要緊，甘願吞忍受辱。到25歲就領洗禮入教，26歲老父死。Hit3 tiap8已經有做1個親情，就續ka7順孝娶來送葬。現在先生娘（陳市，1865-1928） iau2 ti7 teh。

先生27歲府城有當執事，28歲有受公會派kap豹兄（傳道李豹）ti7-tang時出門四界賣聖冊，後來因為教會欠工，就派伊嘉義做傳道先生，就相續toa3阿猴（屏東），鳳山、崗仔林，小琉球、竹仔腳、東港、澎湖、店仔口（白河）、岩前、關仔嶺、土庫。也bat鬥教大學。日本領台hit時伊ti7關仔嶺。

Hit陣麻豆e5世俗人誤解講咱入教e5人去通番。所以hit所在信主e5人hou7 in thai5死19人。先生1個大後生（趙天恩，1874-1895） 22歲也死ti7 hit中間。先生kap先生娘（陳市） tu2著這號大煩惱e5事，未免tit有真大苦心，總是攏無想beh報冤。伊甘願將這層代誌交付上主主意。伊猶原tiam3 ti7教會做主e5工。到50歲才對傳道局稟停。雖然歇工，iau2-ku2有機會猶原佈道，kap人談論道理。有時禮拜日也歡喜主理禮拜。到今年已經71 歲，人雖然老，iau2-ku2會四界行，也iau2會淡薄鬥設法家內小可事。

不幸ti7這個（1918年）新曆5月初3暝，ti7台南東門禮拜堂，伊e5第4子天慈所toa3 e5宿舍，hou7主召伊倒去ti7咱父e5厝。到第10號e晡出葬。巴（巴克禮）牧師主理禮拜，有略仔講起伊e5履歷來相勸勉；也有幾若位先生起來，敘起伊e5行蹟hou7人數念。從中黃黃俟命先生也起來干証講伊e5老父黃誌誠（能傑，牧師），頭1擺聽道理受感激，是因為聽見趙爵祥先生所講e5。An2-ni伊e5工程不止有功效。Hit日來送葬攏共有三百lian5人。今我寫這幾句，是數念先生e5好模樣。

先生對22歲受道理到71歲，計共50年久，伊攏無lang3 cham7來放sak道理，無離開主，直直toe3主到召伊e5日。今仔日先生無看後面，直直向前跑走，走到插鏢hit nih。今得著上帝因為基督耶穌頂面召伊e5賞賜。

先生m7-na7本身歡喜受主e5道理na7 tiaN7，也gau5引chhoa7伊e5親人，kap伊e5全家大細，後生、查某子、新婦、孫仔，今仔日攏屬ti7聖會，做教會內e5人。咱今仔日人人若攏會親像伊an2-ni就免驚教會無基底，也免驚教會be7興旺。

先生雖然無當傳道e5責任，伊iau2-ku2 m7敢掠傳道理e5工做kap伊無干涉，所以常常也ai3幫贊傳道e5工。有時也bat相kap出門佈道，雖然年老，也, iau2有盡忠勇敢e5心。Ng3望咱逐家會學伊in這等號e5所行。也願上帝施恩ti7伊家族中e5人，hou7 in koh會toe3序大人e5腳步來行，toe3主對起頭到路尾，這是心所願。