|
故卓宗慶e5小傳 |
|
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
蘇阿根 《台灣教會報》第502卷,1927年1月 宗慶伯出世ti7桃園郡,枋樹庄領頂。3 歲老父過身,無機會thang讀冊,所以m7 bat字,一生是耕農。伊得著道理e5因端,是對領頂徙來南崁廟口,kap in丈姆toa3相近e5所在。伊e5丈姆莊氏乞,是拜上帝e5人,就常常招伊e5子婿kap查某子去南崁拜堂聽道理。對hit tiap8宗慶姆(許有,1861-1903)就常常chhoa7伊e5子、新婦去禮拜堂聽道理kap讀主日學。Hit tiap8宗慶伯iau2 be7信,總是m7敢阻擋禮拜;家己拜神明。宗慶姆常常勉勵,招伊著去禮拜聽道理。伊應伊講:「做禮拜kiam2會飽mah?」過無偌久就tu2著破病,宗慶姆就順機會苦勸勉勵伊著專心服事上帝,才會得幫贊。對an2 ni受著伊e5婦人人深信、熱心替伊祈禱e5感化kap勉勵,就受感激,真歡喜除偶像,就全家同心信主,得著平安福氣。 Ti7 1898年對偕牧師領洗禮。Ti7 1906 年對南崁徙來花蓮港十六堵作田。Hit tiap8花蓮港iau2 be7設拜堂,無thang聚集禮拜。Ti7 1907年koh徙來軍威庄。Hit時梁光亮長老全家也徙去toa3 hia。對an2 ni就交陪相熟悉。後來就相招去花蓮港偕八寶先生e5厝做禮拜。 到1910年koh徙來鳳林烘爐嘴開墾4年久,Hit tiap8生番真kiap。伊e5子去田nih8作穡,hou7生番開銃扑無著,就走離。生番就去厝內掠豬去thai5,實在真危險,也真艱苦。後來想無妥當,就徙去tak8-kai-phiN7。Hit tiap8有?薄本錢,就ti7 hia買土地開墾、整理,到今仔日���大���功。Hit時ti7鳳林人真少,無街市,無拜堂thang禮拜,��ti7家己e5厝早暗chhoa7家內大細聚集家庭禮拜,服事上帝。 論伊e5信仰真深。致意大細早暗做家庭禮拜。伊e5做人勤儉忠厚, kap一般e5和睦。Bat伊e5人逐個o-lo2伊e5老實忠厚,gau5疼人。伊常常教示子兒講 :「咱信主e5人著讓人phiN,m7 thang phiN人,才有福氣。」伊也 gau5尊敬傳教者。 Ti7 1926年正月起,胃病不止傷重,就去花蓮港病院,差不多3禮久就好。到5月koh起,治療無效,7月8 日hou7主揀召離世間,享受久長e5福氣;今年76 歲。Be7臨終e5時,有叫伊e5子、新婦、孫倚ti7床前,有講4四句e5遺言真有價值。1.著傳報天理。2.著相和相疼。3.著感謝上帝e5賞賜。4. ka子孫祝福,平安富貴萬萬年 今向望伊e5子孫會照伊e5遺言。論伊e5後裔,現在6個子 (長男 卓金串、次男 卓開日、三男 卓萬芳、四男 卓萬務、五男 卓萬力、六男 卓恆利),5個新婦,2個查某子,孫11個,孫女8個,養女3個。第2子卓開日君,熱心做主e5工真久,現任ti7雙溪傳道。第6個卓恆利君,現在ti7台南神學校,來年4月就卒業。宗慶伯thang講真有福氣。Beh臨終e5時,伊e5家族攏ti7伊e5身邊kap伊講話。伊e5經過不止hou7人thang數念kap學伊e5好模樣。
首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|