吳周慈愛小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

吳德元撰 「慈愛姊e5小傳」 《台灣教會公報》651號,19396

周慈愛是早期傳道周步霞和蔡銀之女,關於周步霞字耀彩,1846-1923)的腳蹤及子女,參見《教會史話》352 353


故吳周氏慈愛是早年e5傳道故周步霞先生e5查某子。細漢得著老父用道理gau5培養,有得著真好e5信心。伊e5兄就是周錫英長老kap周福全先生。Ti7 22e5時作客,嫁吳良文先生,kap丈夫toa3 12年久;到34e5時,不幸丈夫過身,有放3個後生,1個查某子交代伊養飼。有tu2 tioh濟濟e5歹境遇,總是伊倚靠上帝來培養伊所受交代e5財產。大後生吳主惠現時ti7東京早稻田大學做教授;第2後生就是現任新巷教會e5傳道師吳義勇君;第3後生吳義育現在齒科在學中,也查某子吳枝花是嫁醫生大甲醫師郭秋漢。會堪tit講,上帝有幫助伊,hou7伊得著成功。古來e5俗語講:「養兒待老」,hit e5時陣已經到lah!無打算上帝m7准伊koh ti7世間來艱苦,較歡喜伊轉去kap父相kap toa3。所以ti7  4月16日, ti7軟弱e5身體e5中間,父有thau2放伊e5著磨,chhoa7伊轉去伊兜,享壽57歲。伊今ti7 hiakoh憂悶,無koh傷悲,親像詩nih所吟講:「受主所贖眾兄姊,Tiam3 ti7 hia企起;時時o-lo2e5主,常吟詩」聖詩249

總是伊一生有三點hou7咱大家thang學。

  1. Gau5教育子弟。對丈夫過身了後,伊e5擔就感覺真重。有時險險擔無hoat tit,若是伊有倚靠上帝,用溫柔、謙卑kap祈禱ti7e5母性愛來教育子兒。有時就勉勵,有時就責備,有時就用目屎來激勵子兒。到今仔日看tioh in e5成功,就知lah

  2. Gau5勤儉。雖然m7是真散e5人,總是伊真儉約。Gau5計劃tioh怎樣來用錢,才會thang維持家庭kap教育子弟。若看伊e5儉約,真正是一個好e5主婦,gau5 e5老母lah

  3. Gau5服事上帝。罕tit看伊無到拜堂,雖然有甚mih阻擋,伊亦是撥時間交陪上帝。為tioh子兒e5成功,有甚mih oh tit e5事,就對上帝求。常常愛恬靜交陪上帝,伊掠見上帝e5面,做伊第一好的工。

總是今伊得著好e5賞賜,永遠thang企起ti75兜。願伊e5子兒學老母e5好模樣, gau5服事主無煞。



 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述