侯蓮湖牧師去世

(1960年)7月19日倚欲日晝，佇台南市街路中，有一個半躼老的紳士忽然倒落去，自按呢過氣，街路的人真gong5-ngiah8，圍到真濟人來看, 經過警察機關檢查結果，才知影是咱的侯蓮湖牧師。伊最近身軀閣欠安，對任地高中林園教會轉來故鄉台南就近醫生，無拍算紲按呢佇路中央喪失性命；照檢查，就是因為心臟病臨時發作來死的，予聽見的人無毋gong5-ngiah8閣傷心。

故侯牧師今年拄60歲，對中學，台北神學院出身，也捌去日本進修，現任佇林園做牧師，前佇海埔；牛挑灣 ，竹山，清水，虎尾，龍井，看西街，太平境，台東，板橋 遮的教會，已經33年久。做人樸實閣溫柔，毋捌佮人計較相爭利益佮權力地位，逐所在傳道理服事教會 都是盡忠和氣，予人好親近。

伊前有gau5幫贊的牧師娘（楊寶琴）可惜10外年前過身，了後閣有現時的牧師娘 (陳珠環)，也是gau5幫贊伊，可惜攏無細囝，佳哉有一位養子，已經14歲。

（7月） 21日佇伊前捌服務久久的看西街教會舉行告別式，遠近教會濟濟人來佮伊惜別，求主安慰遺族。