東港何來發長老（1844-1907）小傳

趙時回(挽)記 「來發長老的小傳」 《台南教會報》268卷 1907年7月 p.52-53 白話字改為漢羅台語。

按：傳主何來發，東港人，1844年10月10日生，1907年4月24日（舊曆3月12日）安息，享年64歲。1871年7月22日李庥牧師（Rev. Hugh Ritchie）前來東港主持聖餐，何來發是當日受洗者8名之一。1879年任執事，1889年10月17日任長老。請參見 《教會史話》158 東港何來發家系。記者趙時回，即趙挽(1864-1909), 參見《教會史話》339 

長老何來發是東港人;伊佇1844 年10 月初10 出世，伊到同治 9年(1870), 彼時伊27歲，才聽著救世的道理。 時因為福音傳到東港 iáu-böe löa-久. 第一早是李牧師 (李庥，Rev. Hugh Ritchie) 來傳; 後來牧師 返去旗後, 每佇拜六就差（派）一人來東港講道理. 也有稅(租)一間厝 thang 做福音堂. 到拜一彼的受差的人就閣返去旗後學習道理. 稅(租)的厝有請何來發叔 sòa piàN掃 伊是不止活動骨力的人; nä 做工 明白, 就學習詩冊佮白話字; 無 löa-久 就會曉讀聖冊（聖經）.

到同治10年6月6日,(即1871年7月22日) 李牧師來東港巡視聖會行洗禮kúi-nä 人, 從中來發長老也在內. 對伊入教了後, 勤勤讀聖冊,致意講究道理; 常常用白話聖經佮漢文的新約來比較做伙讀; 致kàu 後來紲會曉讀漢字的聖經,解說的時不止明朗好聽; 因為佇小學讀冊的時捌佮伊做伙讀纔知伊的按呢。

入教了後不止熱心服事主，常常祈禱，tauh-tauh愛講道理予人聽。