|
林道生願主所用 |
|
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
姚志龍撰 《台灣教會公報》 3370期 2016年9月26日-10月2日 p.252014年,台灣合唱團全場演唱林道生老師 ê 作品。演出前,有機緣 kap 林老師餐敘後,才認捌這位佇玉山神學院默默耕耘15冬 ê 前輩。1934年出生佇彰化市,歲月無佇伊 ê 外表、無佇身上留落痕跡。老師是一位親切、和藹 ê 長輩、言談中充滿喜樂 kap 智慧。經過無外久,忽然佇我 ê FB 頂面「海面 ê 保利隆」彼篇 ê 留言,看著林老師留落簡譜。哇!林老師 kā 我譜曲!煞落,就譜落閣較精采 ê 續集……。今年年初,專程去花蓮吉安鄉拜訪林老師。感謝主 ê 恩典,恩賜林老師友孝 ê 囝兒、媳婦佇身邊服侍伊,真好 ê 創作環境。伊講:我下定決心,佇人生 ê 下半場,攏欲獻乎主用。逐日早起4點半起床,面向中央山脈,就感受聖靈 ê 感動,靈感親像活水泉,源源不斷一直流出來,強欲寫袂離、感覺時間無啥夠用,我知這是上帝真大 ê 恩典。林老師65歲對大學教授退休,48年 ê 音樂教育 kap 作曲生涯。捌得著中國文藝協會文藝獎章、文藝金像獎、金環獎、清溪金環獎 kap 逐款作曲獎等40外項。發表音樂、原住民文化等文章700外篇,作品涵蓋傳統到現代,有獨唱、合唱、清唱劇、室內樂、管弦樂等800外曲;書類著作有攝影、音樂、原住民文化、神話等30外冊。濟濟外國人,探聽著台灣有這款國寶級 ê 大師,趕緊來拜訪、請益。伊教真濟原住民 ê 學生、佇電台主持原住民相關 ê 音樂、傳說 ê 節目、代表國家參加亞洲作曲家聯盟及亞太地區民族音樂學會研討會……。通過拜訪林老師 kap 用電話開講、請教。更加瞭解,多才多藝 ê 林老師,真正甘心樂意,將主賞賜佇伊身上 ê 才華,願意屈服佇主 ê 面前,m̄ 敢辜負主 ê 交託,寫歌曲謳咾創造天地 ê 大主宰。實在是,現代屬主 ê 囝兒,效法 ê 好模樣。短短 ê 文稿訴不盡,這位值得尊敬 ê 前輩。只有用這首七字仔詩,來表達對林老師,上大的敬意:「林道生堅心奉獻,崇高理想得實現,創意如流水長流,上主恩賜大顯現。」
首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|