(羅文德)長老出世佇1865年8月15日，本鄉是佇新化郡左鎮庄山豹(現台南縣左鎮鄉澄山村)，父母生in兄弟仔5人，小妹兩人，長老擺第二。 佇十數歲就予伊入漢學，到16歲就予伊佇現時的新化做人的賬櫃，20歲就轉來設法家內的事。 佇日本領台的時，伊就信主，對(從)信主了後就真致意道理。 佇1896年，伊就倡守起拜堂佇山豹的大寮，盡力設法到完成。 佇 1897年(6月)，就(前往岡仔林教會由劉俊臣牧師)領洗禮入教，到1899年4月16日受會友選舉做執事4年久，會友看伊盡忠，就共伊高升做長老，連連留29年，計共當職33年。 不幸佇昭和5年(1930年)12月14日，禮拜下晡就起肺炎的病，食醫學無功效，病勢 na2沉重，到12月20，午前1點半，就平安去見主，享壽66 歲。 隔日就是禮拜日，頂晡10點佇本宅做葬式，主理盧賞牧師，會葬者300外人，實在對早到今，山豹所未捌有的鬧熱。 通講長老的過世，是山豹地方佮教會的大不幸，因為失落地方一個救星，寫幾項來數

念伊一生佇世間的好模範：

1. 對人的仁愛。長老的家族內外孫有四五十人，若做伙的時歡頭喜面，真疼囝孫，地方若有人有be7明，抑是不和的事，若來請問伊，伊雖然無閒的時，也歡喜共人指導，替人和解到好勢，有指導，替人和解到好勢，有人破破，伊真gau5安慰伊，替伊設法，替伊祈禱予人好徛靠。

2. 對國家盡義務。 對(從)日本到台，伊就擔當地方幾若項的公務到善終，眾人真信任伊，因為是一個老練的人物。

3. 對教會的犧牲。 對伊得著道理的時，伊就看教會的事務是伊重大的工程，對建設教會佇山豹到現時有起兩擺的拜堂，攏是長老teh指揮監督，披星戴月毋捌聽伊teh嫌艱苦。 教會內外有甚麼重要的事，攏是長老teh佮人交涉設法，毋捌推辭講毋愛，真正是教會盡忠到死，今伊佇天頂得著永遠的福氣，總是教會減伊一人，實在真失力。 望讀者諸君，佇祈禱中，求聖神贊伊的後繼者，toe3伊的腳步行。也願大家學長老的盡忠到一世人。