屏東陳乞食長老

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

蘇育才牧師「陳乞食長老小傳」 《台灣教會報》569卷,1932年8月


陳乞食長老是屏東歸來庄e5人。Ti7少年就失落父母e5栽培;總是勤勉經營來起家;ti7 in庄nih e5人,看伊做有名望e5人。為著伊來拜上帝,庄民對伊講,前看你做大頭拇,今就看你做尾指仔e5人。陳長老真歡喜承受這號凌辱e5話。Koh有1擺庄民招集幾10人扛1頂輦轎關hou7伊起lian2;有e5 giah8火把,有e5喝咻,直直beh去long2歹伊e5厝,入去ti7 in廳nih,亂亂chong5;陳長老用溫柔e5聲ka7 in講:「Lin2著細膩,若火燒厝就歹勢;對an2-ni 輦轎煞be7 hian2,大家退走。」對伊e5做人雖罔一時受凌辱,後來庄民猶原真尊敬伊;路尾眾人揀伊當保正幾若任。這是伊信主對外e5成功。

Ti7大正8、9年(1919-1920),財界反動,像1年:(1)伊家內e5財產失敗;(2)死伊所tui3重teh當家事e5大子;(3)失落伊所珍愛e5煞尾查某子。親像這號e5擔,甚mih人擔會起?總是陳長老對外講,伊一發靠主來經過hit個苦擔e5路站。這是伊對信靠,來戰勝攏總e5試煉。

鄙人(蘇育才牧師)ti7大正13年(1924年)正月,得著屏東教會e5無棄嫌,來就任了,hit時e5牧師宿舍是竹造Kham3甘蔗葉;主日學kap其他e5宿舍也是an2-ni;伊bat對我講,若會thang起1間較tu2好hou7牧師toa3 kap主日學e5路用,我歡喜極力beh出300箍(日圓)。Ti7昭和元年(1916年)尾,tu2是伊69歲,tu2著重病,差人來叫我,tu2好我無ti7 leh。我e5婦人人趕緊去,伊就叫伊e5子、媳婦攏來,吩咐in講:「我若轉去,這300箍無論如何,lin著交,我e5心才會平安。」上帝hou7伊koh勇起來。敝會(屏東教會)ti7昭和2年(1917年)尾,就著手起1座,樓頂做宿舍,樓腳主日學,3年koh起1座4間,5年koh起主日學講堂。Hit-tiao8伊e5身体那lam2 ka7我講我無扑算上帝留我koh看著教會所欠e5厝攏完備,不論甚mih時我攏便thang轉來!這thang見出陳長老對主e5教會關心e5點。以上e5模樣kiam2無hou7人thang學mah?

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述