《教會報》報李春生長老死

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

《台灣教會報》第478號,19251月;今將白話字原文,改為漢羅台文;並略加按語(ti7 括弧內,如下:


 李長老e5小傳  編輯室

李長老e5諱名叫做春生,是閩e5廈門人。伊e5老父李德聲4個子階生,福生、源生、春生;伊是煞尾e5。細漢e5時就不止靈巧,koh有大志氣,真勤就近先生勉學;所以有体得中外e5學問,佮通曉古今e5事理。長老ti7少年e5時就信仰基督教[十五歲 隨父由倫敦宣道會教師施敦力亞力山大(Alexander Stronach)領洗];人格真高,濟濟人尊敬伊。Ti7同治7(1868來台灣經營茶商。當時抵仔台灣佮外國貿易最盛;長老m7 na7努力ti7商界, koh常常著書寄去上海e5報館,統論清朝帝政e5失策。Koh一面對伊e5信德生出虔誠e5心,攏無見笑伊是做當代一般民眾所輕視e5基督徒。也佮當時e5官府鬥鼓舞社會e5公益事業,以及風俗e5改良等等。 

Ti7北部初代e5教會,長老是真熱心e5一個。對台灣入日本e5版圖(1895了後,李長老對社會e5貢獻,實在難得用畢一項一項來排列到清楚,親擔當台灣史料編篡評議員e5職來幫贊政府,koh捐款來興起教育,佮濟濟項e5慈善事業。偕牧師偕叡理,Rev. George Leslie Mackay) teh傳教e5時,李長老也真正盡力來為著教會著磨。後來有受揀做大稻埕教會e5長老;每禮拜拜堂守安歇,熱心干証道理,gau5顯出好模樣來chhoa7會友,佮一家e5後輩。Koh獻銀濟濟來做建築拜堂、學堂等等教會事業e5路用。論長老e5寄付,m7kan ta咱北部教會內chit方面na7 tiaN7,就內地人日人)e5教會[如台北日本基督教會後改名為台北幸町教會)]佮廈門e5教會也有受著伊真大e5幫贊。 

李長老ti7 (1924)97 日壽終,享壽88 e5高齡。伊有3個子景盛、高盛、添盛13個孫,koh 9個曾孫。An2-ni3 thang講伊受著上帝e5祝福實在真大。

Ti7(1924) 11月6日執行葬式ti7Kui3-ka e5宅,會葬者有東西e5傳教師、政府e5官吏、教育界e5先生、各教會e5代表,以及社會中所有e5名望家等,共倚4千人,逐人無m7為著伊來憂問;總是gau5疼痛e5上帝看伊已經完滿伊e5工,來揀召伊倒轉。Chit tiap8伊抵抵是親像暝時e5太陽留伊e5ti7烏暗e5月。咱雖罔be7thang看見伊e5面影,iau2 ku2thang ti7e5子孫中來看見伊所留e5好模樣。

 





 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述