數念故陳明清長老

《台灣教會公報》927號 1964年2月1日 p.12 [白話字原文，改為漢羅台文]

舊年9月本報第918號有將長榮中學董事長侯全成先生的就任，佮舊董事長陳明清先生的辭任，報告予各位讀者知。

對彼霎起陳明清先生的病狀就一進一退，了後佇台灣大學治療，閣退院轉來了佇台南家己的厝裡治療，經過ia嶄然有氣色的款，可惜到前禮 拜閣起肺炎，病狀就一直惡化，到（1964年）1月28號上午2點10分就過世。

故陳明清長老是出世佇關仔嶺的望族。長成了佇長榮中學受教育，後來畢業日本中央大學法學部，閣經過日本高等司法考試及格，就佇司法界發揮伊的才能; 佇日本時代捌佇日本北海道、名古屋，佮帝國控訴院以及其他幾若位法院做判官，到光復後，有當新竹法院的院長佮台灣高等法院的推事。 Chiah-的職務攏是本省出身者罕得擔當的懸（高）的職位，通知伊的才情是真優越的。 陳長老毋若佇司法界有這款優越的表現，就是自細漢對信仰有真懸的造就，一生無變換。伊自早早就當故鄉關仔嶺教會的長老一直到死。到佇10外年前離開官界，來台南執行律師的業務，以後除去做律師替濟濟人伸冤以外，因為伊有好的信仰，懸的見識，所以佇教界佮教育界不止受重用，連鞭受聘請做咱教會財團法人的理事長，以外也擔當長榮中學的董事長，長榮女中的董事，東海大學的董事，台南神學院的董事，以外也閣有當光華女子中學，台南Y.M.C.A 的董事，聖經公會的諮詢委員，以及台南市律師公會的常務理事，親像按呢，是咱教界最重要的人物的一个。

可惜幾年來，有患著糖尿病佮高血壓，到舊年秋季病狀惡化，自按呢無通閣復原。

現時大後生(陳信憲)��身邊照料;第二後生(陳信安)佇日本求學中，本年4月oē畢業國際基督教大學;��二���某囝美滿女士佇美國專攻鋼琴，成就非常優秀，捌佇前美國總統夫人臨席的會中演奏;(大查���囝陳美麗)大囝婿高昭仁先生，最近完成碩士學位對美國歸途中，第二囝婿是宋泉盛牧師猶佇美國深造中，第三��(陳良夫)佮查某囝(陳美如)高中在學中。夫人(高)錦花女士是咱中國做出名的鋼琴家

nnn最近陳先生閣決定將關仔嶺家己的私有土地3000坪捐獻beh做咱總��各種靈修會會場的用地。這是一筆可觀的地產。伊有甘心奉獻，通知伊對咱總會的熱誠。 總會看伊佇咱總會的地位貢獻攏真顯著，有準備beh用總會名義佇2月7號參加或是主辦葬式。