BUNUN E5 保羅劉傳 |
|
閩南教會聖詩 教會歸正ê歷史 聖詩之由來 聖詩歌 彭士藏家傳稿本 |
胡文池牧師
《大山唱歌:BUNUN族信主e5故事》台灣宣道社
1954年11月。 Ti7 3 年前Taliban(漢名劉傳,1915-1963)是做古風e5村長。Taliban這e5名e5意思是siok8貨(m7 tioh時生)e5果子,是細粒koh bai2 e5果子。因為伊是路尾e5子,身軀真細,tui3出世就常常病,所以伊e5老父就ka7伊號名叫Taliban。這e5名是真奇怪e5名,ti7 Bunun族只有兩e5 na7 tiaN7。雖然老父kap兄弟看伊是飼boe7活,看伊無路用,iau2 ku2上帝有hou7至微細e5芥菜子成做大欉樹,hou7 Bunun族來歇ti7伊e5蔭ng5。 伊ti7細漢e5時父母就死。伊常常病,面黃黃,所以兄弟看伊無起,無疼痛伊,外人koh較是an2 ni。Tui3這款家庭e5歹環境kap社會e5冷淡hou7細漢e5 Taliban致到怨恨世間攏總e5人。Tui3自暴自棄青年e5 Taliban成做m7驚死、m7驚人e5勇猛,幾若擺beh舉刀thai5人。 成年以後伊e5身體變做真勇。伊e5頭腦好koh gau5講話koh勇敢,日本e5大人就揀伊做青年團長。這e5時就是伊tui3世間報冤仇e5時,伊就出在伊e5意思扑hiah e5青年,所以人真驚伊親像鬼一樣。伊lim酒也是第一濟,逐擺若無lim到倒ti7地上無放煞。 Taliban kan-ta生一個查某囡仔。有一擺lim酒真醉,真ai3睏,查某囡仔走倚來beh chhoe7伊e5老父,真歡喜大聲叫阿爸。Hit時照平常e5 款伊真受氣大聲講:「Bakayalo (馬鹿野郎,罵人e5日語,)就用拳頭母cheng查某囡仔e5 ka-chiah-phiaN,就koh倒teh睏。Tui3 an2 ni查某囡仔就破病險險死,倒ti7床nih幾若年久,後來變做khiau ku。到現在已經18歲,身軀因為破病koh khiau-ku 就定定4尺懸(高)。Tui3這項事Taliban反悔了,感覺伊e5罪真重,心真艱苦。 伊正式有娶 3 e5某,無正式e5 m7知偌濟e5。 有1擺日本大人beh食酒,就叫番社sui2 e5查某囡仔來thin5酒。Hit時青年e5 Taliban企ti7外面teh掃塗腳,暫時歇睏teh看內面e5款式。大人有淡薄驚Taliban,所以無ai3伊ti7 hia看,就提一塊肉beh hou7伊食就講:「Lin2 Bunun真la5-sam驚人,阮teh beh食酒所以m7 thang tiam3 hia看,走去別位好lah。」Taliban知大人e5意思是beh做甚mih,真受氣就講:「Kiam2 kan-ta Bunun lah-sap鬼(kitanai), lin2日本人ma7是lah-sap鬼。」「An-choaN2講日本人lah-sap鬼?Bakayalo」「燒火炭e5日本人ma7是kitanai。」Taliban就koh講,……「作田e5日本人ma7是kitanai。阮Bunun kitanai,抑你kap阮e5女子sng2,續做歹,an2 ni li2 ma7是kitanai。」Hit時大人罵1句「Bakayalo」真大聲就peh起來,就越去內底beh舉刀。Hit時iau2 1 e5大人就叫Taliban tioh緊走,也一方面苦勸hit e5同僚m7 thang gia5刀,an2 ni代誌就煞去。 光復了眾人看見Taliban真gau5,就揀伊做古風村長。伊聽見咱e5講習會beh教羅馬字,就代表hit村來赴會,tui2 an2 ni就hou7主掠tiau5。伊來赴會e5第2日就轉去家己e5所在做見證。Ti7路尾日就kap阮去清水做見證,an2 ni e5款常常續接做主好e5工ti7逐所在。 Tui3這時起伊e5菸kap酒也改,性質也換新。伊現在e5某比伊加6歲koh性質是真bai2 e5人。以前有幾若擺冤家beh離緣,到Taliban反悔了後就m7 bat koh an2 ni。起先伊e5某無ai3信主,iau2 ku2 tui3人講信基督教boe7歹,因為伊e5丈夫tui3信主以後boe7 koh扑伊,也boe7 koh去khai。 等ti7 古風有設織布工場。有1擺男女e5織工10外e5無beh聽 Taliban e5話ai3歇睏。Taliban真無歡喜就叫in來就講:「若是早前e5我lin2 tioh hou7我扑,總是我知因為我是歹人boe7會hou7 lin2尊敬,致到lin2 m7聽我e5話。An2 ni我tioh刑罰家己。」就tui3伊家己e5嘴phoe2直直sian3。Hiah e5女子面攏aN3落低,m7敢看,有e5流目屎。Tui3 an2 ni in就攏聽伊e5話去做工,m7敢貧憚。 伊m7 na7 ti7家己e5所在(古風)鼓舞一間教會,到逐所在有引chhoa7濟濟人歸主。Tui3伊生活e5改變m7 na7 hou7 Bunun族感動,就公務員也攏感心o-lo2。Tui3伊e5真實e5疼,伊e5某雖然硬心到後來也有受感動悔改信主。
|