鹽埕教會鍾泉源長老去世

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

[楊天和撰 「故鍾泉源長老」]《台灣教會公報》969號 1965年11月 p.24

“這篇是鹽埕教會代表在鍾泉源長老告別式中所講的慰詞” 白話字改為漢羅台語文

按:鍾泉源長老在高雄鹽埕教會,1953年12月任執事,1955年11月任長老,而於1965年10月8日去世;有子鍾欽文、鍾欽仁、鍾欽正(長老,妻陳美惠是陳金榜五女)、鍾欽哲,女鍾惠玲(適劉正雄,他是劉主安三男)


鍾泉源長老佇鹽埕教會男婦老幼無一個m7-bat 伊。是一位熱心可敬長老。教會每一件事工,伊 to掠做家己,熱心料理; 信徒有甚麼事伊 to十分關懷幫忙。伊關心每一個信徒kap每一個家庭。佇家庭禮拜做主理,佇週間禮拜做主理,熱心宣講聖經的道理。

伊不但領導全家全守聖日,并chhiaN2「勇將之下無弱兵」「虔誠的老父,有虔誠的兒女。」伊的囝兒成做教會青年的中心;佇T. K. C.擔任會長,委員等,十分活動;佇聖歌隊做中間隊員,甚至有時做指揮,佇主日學擔任教員。

鍾長老佇10年來常常做代議長老出席中會抑是總會,也是現任高雄中會常置委員會委員兼會計。伊也是現任有台灣教會公報社常務理事kap 基甸會高雄支會宗教幹事。

佇chia我需要特別提起來數念的,就是伊是鹽埕教會附設托兒所的現任常務董事兼書記。 這個托兒所1953年創設以來13年,伊逐時to真關心。伊是第一任所長 (稱幼稚園園長)。伊也bat擔任董事長。佇咱這個托兒所,伊的貢獻極大。親像an2-ni,伊佇教界 kap家庭是chiah-nih重要,總是無拍算,伊忽然離開咱去!

拜5 (1965年10月8號)早起,佇電話接著 周牧師娘通知hit時,我親像眠夢,m7̄敢相信我的耳孔,佇電話中三擺問「是鍾長老哦?......是鍾長老哦?......」是鍾長老哦?第三擺了後chiah醒起來。Ah!竟然真正是心愛鍾長老過世lah!我親像斷去一隻手,親像玉山崩去一大khiah,也親像大厝的中脊落落來。全教會逐人聽著這個消息to真m7̄-kam,宛然晴天霹靂。 Ah! 對taN以後咱無thang koh聽著伊溫純的聲音,無thang koh看著 伊慈祥的面。

鍾長老常常受辜負,無辜負人;受刻虧,無刻虧人。無怨言,恬恬背著社會不道德的重擔到佇死。設使咱的社會人人正直誠實,一五一十,清清楚楚,就鍾長老的心臟一定不致只有活動60年久。我彷彿聽著伊出大聲teh吟:

「願主伸手縛撒旦,禁佇地獄深淵;hou7人歸主無數萬,天國廣闊無邊。」

諸位所敬愛的遺族!願恁將序大人chiah-nih美麗,義koh敬虔,人人欽佩的生涯做恁的榮光;佇憂悶中得著安慰。

我深信恁有夠額的孝心,會曉決意效法伊的好模樣,遵守伊生前對恁逐樣的教訓,hou7伊的遺棻發揚光大。我靠著咱的主上帝的慈愛來講:今仔日是恁該立志的日,這時是恁該發誓的時!願永活的主安慰恁的心,恩上加恩佇恁。

高雄鹽埕教會kap鹽光托兒所代表: 楊天和謹致.

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述