吳萬生撰 「故王江長老小傳」《台灣教會公報》 623號 1936年2月 .p.14 [王江相片是LES所加的]

T„主後1904年得tioh8道理，是tui3花宅教會（澎湖望安鄉）高唱兄e5引chhoa7來信主。Tui3信主了，所經過e5路途真崎嶇，無論好歹境遇，無看人，無看環境。當花宅初設教會e5時，伊是頭水e5果子，初代e5信徒，有純萃e5信仰，老實e5「以色列人」，心無詭詰e5！

論伊e5生活職業，是企起ti7海邊，海陸工課雜插，海上e5 khang-khoe3，是造船、ko3船、掠魚；陸上是木工kap塗水；thang講海陸精通有經驗。 保羅講，凡事老練。Ah ！ 無扑算，ti7 （1935年）新曆10月29號e晡6點10分，hou7上帝揀召上天，儼然若以利亞佮以利沙相離別一樣！伊享受65歲。

論後裔，是五男三女，孫兒共21名。 次男王興武先生 （1904-2005，牧師），現任灣裡教會勤務。雖然物質散hiong，但是精神豐富，熱心奉事教會。 聖經講：「聖徒e5家業佮好額。」王長老實在有得著--lah！若對教會方面來看，是失落一個棟樑。 總是對神國方面來看，是加一個敝教會e5代表入ti7-hia, thang安心--lah。

論伊做人心抱忠誠，熱心專守禮拜日，有被選做旗後教會e5執事。後來升做長老，經過幾若任，自細無讀冊，總是gau5做詩歌，bat上教會報，也是伊一生e5大趣味。學白話字一日就成功，thang講是千里馬。 論艱苦，gau5吞忍；論勤儉，gau5克己；論巡教會，be7輸守更兵；論慈善，m7愛顯然hou7人知。 以上hiah-e5實在hou7咱thang學，願主保守伊e5遺族。阿們。

     王江及旗後教會 王興武撰 《旗後教會 123》1987年 p.34  照印 如下：