|
苑裡鄭登添長老小傳 |
|
首頁/ English / Japanese Entries/ 本土信徒 / 史話 / 諸家論述 / 宣教師 / 外國神父修女 / 原住民 / 日人列傳 / 賴永祥著作/ 馬偕周邊 / PCT/ 劉家雜錄 |
|
葉金木撰「小傳鄭登添」(白話字),刊於《台灣教會報》第485卷,1925年8月 鄭登添是貓盂(ba5-u5,苑裡)教會長老,伊信道理有十外年久;對少年有食鴉片到五十外歲。伊有1擺來貓盂看戲,抵著陳其祥先生講道理hou7伊聽;伊就歡喜來信,煞甘願改鴉片,對倚靠上帝用祈禱,無倚靠藥。 對hit-tiap8了後禮拜日除破病以外m7-bat歇睏,對教會無論獻工、抑是獻金攏真甘願,逐擺若有佈道會抑是演說會,伊對早起著到拜堂發落買菜、掃內外、choaN茶,實在真感心,koh伊真尊敬傳道理e5人,m7-bat聽見伊有嫌傳道e5是非。 伊對舊年破病,身体軟弱, be7到拜堂,iau2-ku2不時teh 掛慮教會e5事,ti7眠床內不時佮上帝交陪。阮頂pang去佈道有佮chiah-e5傳道去探伊;有ka7伊講有得著新e5執事郭春壽不止熱心teh幫贊教會e5事。伊真歡喜講:「我久久對上帝討,今著感謝上帝;」也講伊今年歡喜題50箍做年捐,koh勉強peh起來佮阮相佮祈禱。Koh ti7禮拜前陳芳本傳道有招會友去探伊。伊見面有苦勸1個會友著領洗禮;也koh講上帝創造萬物,逐項有伊e5 巢,也有替咱備辦巢,就是ti7天堂,咱著致意beh到hit個巢。傳道koh問講:「你有掛慮甚物? 有艱苦無? 」伊講:「攏無,kan ta安心聽候主召。」 不幸ti7 (1925年) 7月11 日hou7主揀召伊倒轉去父兜,煞世間e5著磨。伊有3個子。1 個鄭蒼國君*,chit-tiap8 ti7神學校teh讀冊, ng3望將來會成老父e5志願。阮ti7 傳道總會中得著電報講伊離開世間。逐家攏真傷心講教會失落1個棟樑。M7-ku2 ti7天nih teh歡喜加得著1個聖徒ti7天nih佮父相佮tiam3。到15日有出葬,真濟人去赴。 我簡略寫淡薄照所知e5 hou7逐家學伊e5好模樣,koh ng3望列位替伊e5家內佮貓盂教會來祈禱。 *鄭蒼國(1902. 3.3 - 1992..4.12), 1927年畢業台北神學校(台灣神學院),牧師。 鄭蒼國之兄批仔----有子君芳(牧師)、界臣、界儒。
首頁Home/ 本土信徒總檔 / 教會史話總檔 / 宣教師人物總檔 / 外國神父修女列傳 / 日人列傳總檔 / 原住民信徒 / 諸家論述
|