徐育鄰報 《台灣教會公報》784號 1954年4月 p. 16-17 按：鄭德和 (1885-1954)，嘉義人, 1904年3月20日由巴克禮牧師領洗，1910年5月10日在彰化教會任執事，1915年5月任長老，1916年4月返鄉移籍嘉義教會，續任長老。他是蘭大衛(Dr. David Landsborouh)的學生，開業 「英安堂」。

教界的元老，故鄭德和長老佇(1954年) 1月4日，在(嘉義)東門教會主理祈禱會中發病 （腦溢血），雖然療養3禮拜久，猶過上帝的旨意成，佇24日禮拜下晡6點30分別世。為著等候佇泰國行醫的第3公子(鄭彰茂)回國，到佇3月12日下晡2點，佇東門教會舉行葬式。陳惠昌牧師司式，黃武東牧師主理，用「長生不朽」的題講道，來舉行非常嚴肅的典禮。對黃牧師的講道，到佇各教會，各機關代表的弔辭都講起鄭長老生前佇家庭、教會、社會，伊的信仰生活，伊的德行，伊的做人，有予約500名的會葬者得著大感激，無毋流毋甘的目屎。也當日南對泰國，北對日本以及島內有濟濟弔電來saⁿ-佮毋甘。三點半禮成，出山的時有照故鄭長老的遺言，攏無用樂隊佮甚物裝thāⁿ，是真正嚴肅的葬式。

故鄭長老享壽70歲，有生5男3女，伊對長榮中學畢業，就綴老蘭醫生研究醫術，就行醫到別世。伊一生佇教會盡忠做工，十外年久擔當主日學，頭尾40年久擔當執事，長老的職，也是現今東門教會的長老，通講伊的別世是予咱教會失了一位寶貝的人物。伊生前所愛吟的詩，是105首。願主安慰佮照顧伊的遺族，予in攏綴伊的跤步來榮光上帝的聖名. (徐育鄰報)。