潘道榮 傳道報國

潘道榮撰 「傳道報國」《台灣教會公報》 677號 .1941年8月 p. 25 原文是白話字。

今仔日的傳教者，眾信者，若袂通用傳道來報國，就彼个機會永遠無閣來矣！

「傳福音，傳福音，無傳有災厄：咱的同胞日日沉淪，聽候你拯救」

欲怎樣來傳道？

1. 感化的傳道：逐个信徒一言一行，逐時攏通獻予主，來救人。

2. 教育的傳道：對主日學的教育，著加倍關心。「倒轉佇福音的的使命」：這是現代S.S.（日曜學校、主日學）當局者著對這方面，再考究伊。

3. 文化的福音事業：就是(（日本）內地現時所teh 強調 精神的社會事業：

1) 保育事業 - 2) 健康相談事業 - 3) 身上相談事業 - 其他禁酒佮純潔運動，彼號（等）。 4. 文書傳道：本島教會建設到今 70外年久，對內部，只有《台灣教會公報》teh培養信者的信仰生活。這閣是白話字--ê，袂通10分普及。對外部，通講攏無。教會到今 的傳道向佇中流以下的人；中流以上--ê差不多攏無干涉。

鄙人對這點teh想，有得著朋友的贊成，就每月有發刊一款生命誌 (活命報)，是用和文（日文）寫-ê；專專欲做傳道的路用。已經發行到第7號。題目寫淡薄予列位參考：

1. 人間の價值 - 2. 永遠の生命 - 3. 基督教の中心 - 4. 基督教とは - 5. 人生の意義 - 6. 新体制とキリスト教（基督教） - 7. 人とは何ぞや - 8. 宗教どは何ぞや - 9. 人類救極の三大要素 - 9. 人類究極の三大要素 - 10. 宗教の必要。 11. 興亞とキリスト教 12. 精神生活に於ける戰爭 13. 個人生活に於ける道德 14. 宗教の由來 15. 人生の基調 16. 人生の第一義 17. 人生と宗教 18. 友ふるイエス 19. 時艱克服の動力 20. 時代の變轉期に立ちて 每月攏寄送佇台北市內的官-lī ，教授，醫師，辯護士有識階級--ê。現在是李順天長老teh負擔彼个所費：白白送人讀。列位若有感覺貴教會欠缺對有識階級的傳教--ê，請開闊來傳報福音。若有欣慕--ê，現在所費通自由-寄附，就好。阮這霎所印的部數，是拄拄好nā-tiāⁿ。目的：是對未信者的傳道；無愛寫siuⁿ長。列位，若有時間歡喜kia̍h筆相援助，真歡迎。所大大拜託--ê，是向望讀者諸君，用祈禱相應援，是真萬幸。