謝福元記

原文（白話字），載於《台灣教會公報》624號 1937年3月 p.28-30, 玆改為漢羅台文。

李德（1878-1936），李恭長老的次子，請參見《教會史話》288及638；又可參見蔡天註．李心慈系譜

故李德長老ê小傳           

故李德長老是故李恭先生ê第二囝，主後1878年1月4日出世ti 社仔崙仔頂，  Siäng hit年崙仔頂ê拜堂ti 4月1日也出世。Ti主後1936年12月7日，午前5點，就受主ê聖召離開世間，享受59歲。Ti 1888年，李長老10歲ê時，就tùi陳榮輝牧師受洗禮，後來接納聖餐。Tùi細漢 ê時受家庭ê宗教教育，所以ti一生真疼痛上帝ê聖會。

現時，伊有留三位公子佮三位ê千金。論起伊ê gâu料理家庭，抑是疼上帝ê聖會，大大做現代ê基督徒ê模範。

長男進聲先生，有卒業師範學校，就受任命做公學校ê先生，也bat做教會ê執事，現時奉職ti利澤簡公學校。

四男以諾兄，有卒業台北二中，續接入高等學校，因為身體軟弱ê緣故，就退校，ti家庭teh幫贊家事。

五男雅各兄，有卒業宜蘭農林學校，就奮發愛為主做工，入台北神學校。

長女心慈姊，有畢業淡水女學院，後來出嫁茶商公會理事萬華蔡天註執事，現在有三位公子lóng入中等學校。

三女春姊，有畢業淡水女學院，就有入台北病院助產婦講習所，畢業了後，就嫁現學高雄州技師陳水生先生，也現在開業產婆高雄市，不止受一般ê產家歡迎。

四女秋蘭姊，畢業台北第三高女師範科，就任命做公學校ê先生，後來就出嫁ti現任宜蘭牧師鄭蒼國先生。

李德長老一生盡力ti子女ê教育，不時伊ê勞苦，tùi少年就勤勤做工，也不止節儉，不論怎樣是愛伊ê囝兒得-tiõh教育thang來利益社會，以及上帝ê聖國。 

Ti主後1924年3月30日，受會友公舉，設立做三角埔教會ê長老，歷任濟濟年，也bat受派做代議長老，不止為tiõh教會來犧牲。李長老不止好膽干證主ê福音，來闡明道理，也不止濟pái佮人辯論。有一pái佮一個真耶穌教ê人辯論，因為伊常常beh來引誘in ê家。所以講上帝是一個，基督是一個，mih-sái講lín ê才是真，阮ê是假ê，獨獨tiõh想，我是上帝ê囝抑˜是？Tiõh實在咱ê罪有h³主ê寶血來洗清最要緊。也tùi上主tiõh有敬虔，伊tãk日勤勤做工，若到上帝ê聖日，就的確歇睏（休息），若˜是tú-tiõh極大ê阻擋，的確到拜堂。雖然身體tùi khah早就有chit- ê胃病，猶久做工，抑是服事上主無làng。有幾若pái胃痛，猶久到拜堂，也靜靜聽道理。  Tãk-pái lóng khah早到拜堂，就ti-hia掀開聖冊來讀。

Ti 1936年12月6日ê生日猶久到拜堂，ti hit  ê昏猶teh講今ê昏beh有家庭禮拜，就是láu tau, 到hit暗大約一點鐘ê時，有khah艱苦，就哀2, 3聲khah大聲，就tùi伊ê婦人人講， 我現時真艱苦，我ê痛有抽透胛脊心去，也長老娘就盡所會ê來kä伊照顧，伊就祈禱：「主耶穌ah！ 我現時ê身體疼痛到極，若是你ê旨意，求你h³我安然離開chit-ê艱苦ê世間，.  主ah！ 求你tiõh接納我ê靈魂......」後來就khah好。到午前5點，就受主ê聖召，看伊ê面容無一屑仔ê憂苦，真笑容也無失色。

Ti 12月10日午前9點半，tùi陳溪圳牧師ê司式，ti家己ê厝舉行盛大ê告別式。會眾大約倚200名，tãk人無˜為tiõh伊ê死來哀傷。實在李德長老不論對內、對外h³人o-ló，失落李德長老，是親像失落教會重要ê樑柱。願上主幫贊伊ê遺族，永佮in無離，來安慰in。