李天來:馬偕醫院新院長

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

上山生(鄭進丁)撰 《台灣教會公報》681號1941年12月 p25

按:李天來(曾改日姓稻田),李壬水牧師次子,1917年畢業於台灣總督府醫學校 (該校第16屆生) ,1941年10月25日就任馬偕醫院院長。


北部教會所經營唯一的醫療機關,馬偕醫院對接收以來,雖然無有一時的的變化,總是漸漸有teh發展的勢面。照院長李達莊先生佇(1941年)10月中已經辭職,理事會慎重銓行的結果,滿場一致決定愛聘請本院理事稻田天來(李天來)先生做後任院長。交涉的結果有得著伊歡喜承諾。佇10月25日已經就任,稻田先生對大正六年(1917年)有去南洋英領北Borneo得著倫敦政府的免許任命總督府病院醫官佮做タワオ(Tawau)政府病院的院長。後來(1929年)有家己開業,得著真大的成功,到佇滿州事變的時(1933年)才轉來台灣開業「同仁醫院」佇台北市太平町 亦是真有人氣,伊的專門是內科佮小兒科。這擺咱馬偕醫院會通得著伊來做院長,予咱大家真通安心的所在。

稻田先生現在是三重埔教會熱心的長老,對教會真出力奉事。伊的體格懸大閣不止有經營的才。大家對伊hē真大的期待,向望此去的院勢會大大發展。對稻田院長就任以來,院內的制度漸漸改善。對外來的患者每日診察。時間例行,毋免予患者等到過晝。用親切佮應患者的便利做第一。對按呢經營的成績漸漸 teh向上。若照這款的勢面,實在有閣擴張新設耳鼻咽喉科佮齒科的必要(現在計畫中)卻現時的施設佇島內私立綜合病院中,已經通講是第一位。現時病室眠床70頂,職員院長以下五十外名。馬偕醫院的傳統是產婦人科外科做第一出名,現時產婦人科的院長是醫學博士陳景崧先生。眼科院長周秀娥先生。內,小兒科是院長稻田天來先生擔當。各科攏是有經驗老練的先生,予患者會通絕對安心信用。向望列位看報的兄姊大大為著咱的馬偕醫院宣傳招呼人來利用予in m̄-nā醫好in 的肉體亦會得著福音真的地理來救in 的靈魂。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述