廖得68回憶錄開頭----我的身世

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

廖得撰  摘自《68回憶錄》載於《活命e5米糧》32-43 19571-12月。

原著是用白話字寫的。玆錄其開頭的一段,改為漢羅台文如下:

廖得牧師是濟濟人所bat台灣教界傑出e5人才。本篇輯室請伊寫回憶錄,tui3這月日起連載ti7本刊。


阮祖替人死

ti7 150年前,有一日一個人客,到ti7敝宗族5糖舖,ka7敝三房e5叔孫講:「糖提一塊hou7 lin父食!」敝叔孫聽了真受氣講:「Line5hou7你食!Lin父續著hou7你做子!!食linhiah夠!!!」就開七劍hit號開嘴獅e5拳,ka7tui3胸坎cheg-去!Hit個人客現死!!害ah!!!「歹孫仔做事賴叔公。」「忍氣求財,激氣相thai5」歸宗族e5人,攏著認命!!大家大煩惱!!! 

Hit時阮(15代)祖就安慰眾叔孫講:「Lin大家免煩惱!我來去賠命!!!」就去對敵e5所在,ka7 in講:「阮e5叔孫扑死lin e5人,是真m7著!總是lin某人beh食阮某人e5糖,續beh hou7伊做老父, che也是有錯!今m7管伊,我來賠命!!!」Hiah e5對敵氣phut phut,就圍倚來cheng,阮祖就hou7 in扑死;一命賠一命,歸宗族e5叔孫平安無代誌。後來in三房e5人,排香案桌,禱告天地講:「了後in三房e5子孫,若欺負阮九房e5子孫,著be7好!!!」 

阮公hou7人摃翻頭

俗語講:「仁善被人欺!爛塗深掘!」Hit個三房e5人想講: in扑死人,阮九房祖去替in死,是真憨!阮e5田園厝地,過來過去,in直直ka7阮霸佔,甚至tauh8-tauh8 tau3人來掠阮公摃翻頭。阮公hou7人欺負到家庭狼狽,無子無兒!

阮媽m7願做有應公,就tui3姓李e5,分阮老母李知母來做查某子;ka7伊縛細腳,beh去園nih做工,攏用線ka7thiN7teh,驚了腳大,別日招無好子婿。

阮父chhoe7活路

阮母17歲,阮媽就ka7伊招一個17代單廖e5(廖坤海, beh來傳雙廖e5 e5香爐耳,向望有thang萬代香煙。

不幸到是孤倔地,雖然會生也較濟飼be7活!生6個查某子,死chhun 2個;也3個查甫)e5攏死!!Ti7boe7(出世e5時,阮父就想beh去茄冬仔西螺禮拜。不幸事情漏泄,庄中e5老大(三房e5人)放刁講:「若beh入教,看beh搬去to2位,著搬去!無!!Beh擊出庄!!」阮父就m7敢去禮拜。

68年前,我出世e5廖得,1889314日生於西螺二崙鄉,阮母將我e5耳仔貫線縛toa3眠床腳,講準做豬哥,縛ti7眠床腳be7走去!後來hou7人算命,講我toa3弓箭,會射死父母,koh我也飼be7活!!

Tui3 a2-nie5老父就講:「Behka7伊賣幾個錢仔來開開teh,較贏!會孤倔hou7孤倔!!」我e5老母講:「M7 ah!會死,behteh死,較甘願!!」後來阮父e5大舌朋友ka7我相講:「你這個子真好命, m7 thang賣!!到16e5時,錢m7免趁,會家己來!!」

Hit時阮父kohbeh去禮拜;總是hit個庄nih e5老大koh haN2講:「若去入教,beh擊出庄。」阮父就煞去。

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述