凡事感謝、梅牧師的栽培

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

 廖得撰 摘自《68回憶錄》 載於《活命e5米糧》33 19572 p.39--42原文用白話字,改為漢羅台文如下。


凡事感謝

二崙仔e5福音堂起好,就tui3柚仔腳徙入厝內。主日e5主理,攏是入教會e5會友teh輪;其中有一個李明珠叔,請人替伊讀帖撒羅尼迦前書5:18。「凡事感謝」也伊講起早年有一個旅行家,到ti7山間e5一社beh投歇;tui3社頭借到社尾,攏無人beh借伊。在來伊到to2位,人都真親切歡迎!今仔日an3怎歸e5人攏拒絕?總是伊想著聖經講:「凡事感謝!」所以伊就講:「感謝上帝!」

後來伊就去ti7社外e5樹林歇暝。忽然起狂風,將伊e5燈火吹倒摃破,伊不解其意;總是聖經講:「凡事感謝!」所以伊就講:「感謝上帝!」無偌久有一隻豺狼來tui3e5獵狗咬死,伊真奇怪;總是聖經講:「凡事感謝!」所以伊koh講:「感謝上帝!」Khah theng5有一隻ba5仔,將伊報更e5雞咬去,伊也be7tit;總是聖經講:「凡事感謝!」所以伊也講:「感謝上帝!」

今也無火thang照光,無狗thang吠暝,也無雞thang報更!所以就恬恬好睏到天光。較晏e5時,入去社內beh買食物;無打算ti7昨暝出響馬,將歸e5人總剿,物盡搶。Hit時伊才曉悟伊昨暝e5危險!設使hite5人,若照常親切接納伊;伊昨暝的確無生命!若燈火點光光,也是無穩!若有狗會吠,也會招災禍!若有雞會啼,也是無妥當!真正是「萬項代誌tauh8-tauh8來,無m7beh利益疼上帝e5人!」實在「凡事感謝!」

我信主後e5好境遇

tui3去禮拜了,會外e5親戚厝邊厭賤,外人keng-te2 謾辱;總是同屬主5人,無論富貴貧賤,都攏疼惜招呼牽成。

13(1993) e5年尾,有去佳冬仔hou7梅牧師梅鑒務,Rev. Campbell N.Moody) 問道理;伊也掀聖經hou7我讀,叫我祈禱:長老會接納我入教會。主日阮十外人,企)ti7台前beh領洗禮;梅牧師teh講道e5時,看著我e5目睭紅紅,就問我目睭疼偌久ah Hit下晡聖餐了,就叫我轉去問我e5老母,看beh chhoa7我去彰化醫館醫身命好m7?e5老母歡喜。

梅牧師chhoa7kap李全秀兄,代先寄ti7彰化西門拜堂林學恭教師e5所在;了後是chhoa7toa3 ti7kap蘭醫生蘭大衛,Dr. David Landsborough III) e5厝。一月日久kap梅牧師實地學習佈道:無論ti7街市抑草地,攏hou7我代先講。 

佈道以外,梅牧師,ka7我講幾若項:

1、  Beh入庄講道理e5代先,著祈禱備辦心,m7 thang講話。

2、  傳教e5人,m7 thang ka7hoaN7教會e5公錢:親像某本地出名熱心e5牧師,也倒教會e5公金幾若百箍。

3、  我問伊看我買100箍銀e5冊,有夠無?伊講伊買1000箍,iau2無夠!

4、  叫我問我e5老母,看hou7我做傳道好無?若好,伊beh hou7我讀3年小學、3年中學、4年大學:較有學問較好!

5、  天主教kap耶穌教e5各樣

天主教得救e5

(1)  著靠耶穌十字架e5替贖。

(2)  著靠彼得teh管天國e5鎖匙較有勢。

(3)  著靠聖母瑪莉亞是查某人較軟心,thangtui3主求情,老母較有權。

(4)  著靠古早犧牲e5聖徒e5功德e5致蔭。

(5)  著靠家己修行從功補罪。

(6)  著靠tui3告解,hou7神父赦罪。

(7)  著靠神父做臨終抹聖油。

(8)  著靠煉獄誠聖。

(9)  著靠家族獻金,來促進煉獄完成緊升天!

耶穌教得救e5法:

(1)靠主十字架e5替贖

(2)Kap彼得相kap kiah8天國e5鎖匙,引chhoa7人入天國。

(3)咱趁天父e5旨意,主beh款待咱做伊e5兄弟姊妹kap老母。

(4)主所行e5,e5人也beh行伊,就比主所行較大e5,beh行伊。

(5)基督徒將家己kap主相kap釘十字架。活e5 m7是家己,是主teh活。

(6)重頭生e5人無犯罪,伊也be7犯罪;因為上帝e5種長長tiam3 ti7伊。

(7)ah!我將我e5靈魂交代你!

(8)Lin e5心莫得pe2-pak8, lin著信上帝,也著信我,我去ka7 lin備辦所在,就beh koh來接納 linti7我,hou7我所ti7 teh linti7 hia

(9)你今仔日的確kap我到樂園。Ti7 hiabe7曝著!火be7燒著!上帝beh ka7信靠主e5人,拭去攏總e5目屎。永活無死!續beh kap主相kap做王,審判世間,審判魔鬼,也審判天使!

親像詩講:「Kap主同死!同活!!同上天!!榮光!尊貴!!萬萬年!!」

一月日後,我離別梅牧師、蘭醫生,轉到故鄉油車,到埕nih叫老母,老母m7敢認!一月日前,出門e5時,是臭腳、黃酸大肚桶、紅目、臭頭、爛耳;寸步難行!一月後轉來,變做新人:擔十外斤e5行李,一日步行6舖路!

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述