黃深河伯的行述

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

「深河伯e5行述」《台南府城教會報》165卷,189812 p.92-94

請參見《教會史話》128 深河伯本是賭徒, 148, 150 等文。


深河伯是嘉義縣大溪厝庄e5人。伊做囡仔e5m7-ai3讀冊,若beh去學nih8讀冊,伊就將冊chhang3 he7pho7內。伊e5老母也是真嚴,若知伊無去讀冊,就ka7伊扑,若是伊猶原m7-ai3去讀冊。伊到長成伊e5父母有將所io3 e5新婦仔匹配伊;後來有生3個查某子,第2個死去,亦有分1個後生。

伊少年e5時無惡不作,無1e5歹伊無做。伊ai3交陪poah8-kiau2 (賭博)e5、做賊e5,伊e5老父hou7伊氣到擋be7 tiau,就吞烏薰到死;伊e5老母是不止嚴。所以厝nih8toa3 be7 tiau5,就放sake5老母kap某查某子,大查某子8歲,第3個查某子4歲。做伊出外到阿里港,伊toa3 ti7阿里港起頭勇健e5 時,是tehHu2-擔到阿里港;伊ti7阿里港,伊e5老母死,伊亦無倒來。伊所趁e5錢攏是儉食忍寒keng7-toa7-tu3,就是真ai3 poah8-kiau2,衫仔褲穿到m7成身命。到三十外歲有致到腳疼be7taN3,伊就去摸蜊仔,tokkohpoah8-kiau2。所以受迷惑盡深盡慘,家己oh-tit改換。

後來腳疼oh tit當,有聽見馬醫生(馬雅各)ti7旗後開設醫館,tehtiap8人逐項e5破病。亦hit時台灣地方大搖動,四界捏造謠言,講,天主教四界放藥,掠人去滴汁、煮鴉片薰、亦招人來入教,看伊是beh上天曹,抑是be落地府;若beh上天曹,就交牙槽,若beh落地府就交尾椎骨。深河伯有定著決意beh去旗後hou7馬醫生打tiap8腳,阿里港有幾若個好心e5人幫贊伊淡薄仔所費。伊就去旗後hou7馬醫生打tiap8e5腳;伊toa3 ti7醫館有聽見救主耶穌e5福音,光照伊e5心,大受感動,醒悟知罪,liam5-piN3 有反悔罪,信救主。後來有得著馬醫生幫贊,伊e5腳有醫到好。

Hit時埤頭城大擾亂,禮拜堂煞hou7人毀去。Hit層代誌辦清楚明白,李牧師(李庥) chham陳先生,就是子路兄,chham深河伯到阿里港設立禮拜堂。李牧師chham子路兄toa3 ti7阿里港幾若日,in就倒轉去埤頭旗後;顧禮拜堂兼傳福音。Hit-tiap8伊所bat e5聖詩亦無偌濟首,聖冊所bat e5亦是無偌濟章。

伊ti7阿里港街路四界傳播福音hou7人歹嘴chhoh罵亦有hou7人凌辱譏刺,伊就倒去禮拜堂祈禱。Bat 1 擺伊穿1領烏褲,i7街路teh講道理,1個擔柴e5人刁持ka7伊long3破,伊講,Kah著我這時信主lah!若無的確無放伊煞。Hit時李牧師有常常派人去阿里港幫贊伊;有時子路兄、有時清兄(傳道葉清)。清兄bat 1擺,對埤頭(鳳山)beh來阿里港,行路近ti7三塊厝仔溪埔,hou7賊太臺thai5死(參見《教會史話》129 傳道葉清遇殺真相。這個代誌tiau5直,子路兄招伊倒轉來埤頭抑是旗後,驚了koh受人陷害。總是伊決斷beh toa3阿里港,無聽主路兄e5話。深河伯有堅心有盡忠ti7阿里港。

對清兄受害死,了後信主e5人漸漸興起。四界庄社有人來聽道理,阿猴街(屏東)亦有人聽道理,盬埔仔、加納埔有人來。

深河伯就有數念伊e5某子,有倒來大溪厝chhoe7深河姆kap伊第3個查某子去阿里港做主e5工。伊有經過濟濟教會,伊所bat toa3在額e5教會,阿里港、鹽埔、加納埔、埤頭(鳳山)、小琉球、林後、岩前、澎湖、大社、嘉義、茄苳仔、灣仔內、十三甲(丈八斗, 今原斗)。伊bat ti7鹽埔禮拜堂hou7人扑。伊toa3 ti7東港e5教會傳道理,亦bat去瑯嶠e5所在傳福音。伊亦有講究淡薄醫法,伊有時分藥hou7人,伊e5意思是看有甚物路thang引chhoa7人來信救主耶穌。伊有引chhoa7親戚濟濟人來信。伊bat kap能傑兄(黃能傑,後稱誌誠,見《教會史話》 455、457)去湖湖開設教會。

伊後娶e5深河姆kap所養e5小查某子ti7十三甲e5禮拜堂;因為深河伯年60外歲,對舊年有去toa3十三甲e5禮拜堂,伊常常有起破病。今年(1989年)7月12日得著召離開世間,倒去kap主耶穌永遠toa3,今ti7世間無thang koh見著伊。伊e5某查某子攏是信主耶穌,伊e5外孫有十外個攏屬ti7信主e5家。可惜伊所分hit個後生無信耶穌,煞變憨憨e5人。今寫幾若字來上報,向望chiah e5 kap伊相bat e5人來數念伊e5熱心盡忠ai3救人;咱逐家亦著受勉勵熱心來救人。Kiam2-chhai2人久久teh數念伊。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述