潘六下小傳

謝清宜記 「潘六下」《台灣教會公報》578號1933年5月 p. 18-19 按：潘六下烏牛欄人，潘踏必厘(1827-1917)之女，夫大社潘頭番，育二女(潘阿金適謝德求、潘文理招魏匏)一男(潘達新，娶潘阿冬，生潘玉蓮)

潘氏六下（六下姊）。1932年9月8號別世，享壽72歲。佇 9號行告別式，濟濟(很多)人來赴式。

論這个老姊妹，濟濟人捌伊。伊是做產婆，真gau5共人助產，真親切，無分貧富，叫就行。金錢也無大對重，做十外年的產婆，是真出名，好交陪，也好款待人。 會內，會外個人真呵咾伊。出力獻金予上帝。 做盡忠的女執事，gau5同情傳教家，是真實熱心的女徒，會中真尊敬伊。

伊gau5服事丈夫(大社潘頭番)，gau5疼囝孫，丈夫早過世，囝也早離開世間，伊鞋境遇是非常悲慘。 若毋是信仰堅固的人，驚了會自殺，總是伊無煩惱過頭。 笑笑講，"上帝的旨意，境遇按怎，歡喜擔當。" 到伊病傷重的時，伊的面有歡喜款，求主講："我愛閣佇世間，總是愛趁父的旨意。" 啊！實在真通感心的基督徒。 主已經煞伊的工程，chhoa7伊到榮光的所在，福氣啊！

伊的查某孫潘玉蓮sang3(樣．日敬稱)，捌佇台南女學做教員。閣兩個查某囝，兩個囝婿，外孫幾若的。