黃俟命撰 「家庭族譜」《台灣教會公報》403號 1918年10月 p.12.

 [錄漢羅譯及白話字原文] 請參見《教會史話》496 黃俟命和家庭族譜。

咱 若入無聽道理的人的家，就liam5-piN會看見in 的廳堂有濟濟木主，寫in 祖公父母的名，佮簡簡的來歷世系。可惜in 對重過頭，續用chiah-的來跪拜敬奉，為著an2-ni就信主的人有除去。因為咱的聖教有教示人m7-thang做像跪拜，總是咱kan-ta攏除去，祖公父母的來歷世系咱攏m7知，也無地thang 查考，an2-ni也是無抵好。近來有人翕序大人的相來做紀念；m7-ku2濟濟無利便thang 翕相。 Koh 若kan-ta相，無略仔記載伊的來歷、世系，過兩三代也是攏m7知。

佇幾若年前有一人名叫王金龍，伊有將我所 teh備辦的體式去印，做了卻好看 koh 合用，可惜伊想愛對這本簿來趁錢，煞無甚物人ka7伊買。不幸這人無偌久就死去。今in 有將chiah-的簿來賣咱中學校友會，校友會主張愛hou7逐家較快買，所以一本定價錢 4角（郵費在外，若較濟人買做夥寄，就 hit個所費會愈省），實在真俗， koh 是咱人人所著欠用的物，今若有人愛買thang 對lin2本堂的傳道先生講，抑是lin2佮做夥寫批來hou7台南仁榮藥房，黃仁榮君，伊就會ka7你寄去。若beh 寄錢來hou7黃先生，著對郵便局寄振替，振替的號就是（臺灣第361番黃仁榮），m7-thang寄為替，因為有較傷重所費。