吳雞母小傳

 

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

編輯室 《台灣教會報》370 19161

吳雞母,學名文彬,185698日生,10151127日去世,請參見《教會史話》371372


(1915年)11月 27號,ti7埤頭(鳳山)拜堂e5房間,上帝有召咱e5好朋友吳雞母(儒名,文彬)去kap主永遠toa3。咱自然著煩惱be7會thag ti7 chia koh再kap伊相見;總是心亦著平安大感恩,因為吳先生36年久做教會盡忠e5差用。伊bat ti7幾若所在當傳道e5職,親像ti7吉貝耍(Ka-poa3-soa2)、岩前、茄苳仔、後山、柑仔林、澎湖(馬公)、阿里港、牛擔灣、萬丹kap埤頭(鳳山)。
會友ti7逐位尊敬伊、gau5疼伊,因為傳道理e5時陣,伊所講不止有應效,會堪tit勉勵、安慰眾人e5心。Toa3 ti7埤頭e5時,上帝大賞賜伊e5奴僕。教會ti7 hia較久真冷淡,m7-ku2吳先生雖然煩惱,伊e5心無餒志,反轉常常出外佈道、巡兄弟,也請相bat e5人來拜堂受教示;對an2-ni無偌久教會略仔興起,較濟人倚來聽道理。又koh吳先生hit時gau5設法建置這間神e5禮拜堂kap宿舍ti7埤頭街。為著這層事,伊盡出力四界求較快活e5朋友來幫贊。到落成(按1915年3月26日獻堂)hit tiap8真濟聚集kap會友相kap歡喜感謝上帝。
吳先生beh臨終e5日,伊e5身体無大鬱悴艱苦,會認tit人,續安慰親人e5心。伊kan-ta ai3耶穌緊緊來chhoa7伊去。主就ka7伊講:「好ah,奴僕忠厚ah,你ti7少e5已經盡忠,我beh用濟濟e5託重你,thang入你e5主e5快樂。」

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述