Ti7 （1915年）11月8號，梅（監務）牧師娘（Mrs.
Campbell N.Moody）離開世間。台灣e5教會聽見這e5消息真正煩惱，替牧師憂悶。今仔日ai3記幾句，報會友知梅牧師娘e5履歷。
梅牧師娘名叫瑪格烈（Margaret
Arthur Findlay），是蘇格蘭e5人。伊e5老父
（Rev.William Findlay）是長老教e5牧師。因為學問真深，就進名做博士。瑪格烈13歲hit時老母別世。對hit
tiap8老父不止疼惜伊e5查某子。對細漢伊受著父母e5好教示。到20外歲hit
tiap8有熱心替世俗人煩惱，因為in m7 bat天父e5恩，就愛獻己做上帝e5工ti7世俗人e5中間。心肝真熱就寫批請求宣道會。寫批了後未寄，心koh斟酌想，才toe3
an2-ni -thang知伊e5心對世間到長成有体貼未bat主e5人。
拆hit張批了後，koh
12年 梅牧師轉去本國。Hit時就是ti7
1907年 kap瑪格烈相會。Ti7相會e5中間梅牧師常常講起台灣教會e5消息。��格烈聽了真感心。牧師看見伊hih熱心ti7教會，所以ka7伊聘定做夫人。Ti7
1908年（3月13日）梅牧師有kap牧師娘koh來台灣。到位hit日彰化e5信者有用親愛e5情ka7
in歡迎。可惜toa3台灣無偌久就顯出身体無甚mih勇健。那久身命那軟弱��到����姑不將著趁醫生e5命令，就離開台灣去別所在調養身体（按1909年1月夫婦就返國，請參見關懷梅監務夫婦的決議）。
梅牧師tu2著這個代誌未免tit煩惱，m7-ku2不得已著離開台灣去奧地利亞。後來就去新西蘭島。Ti7
hia tiam3幾若年續做教會e5牧師，是向望牧師娘e5身体會漸漸較勇。可惜無較好反轉較傷重。Hit爿e5醫生有明明講伊e5病be7
好所以准in離開奧地利亞轉去祖家抑是別所在。Hit幾年梅牧師kap師娘常常數念台灣e5教會，所以ti7
1914 年in有倒轉來台灣，伊照舊tiam3彰化。到位hit時教會比舊時加進chit層e5親切來款待in
e5牧師kap牧師娘。Hit年牧師娘e5心肝較平安，就koh請先生來學台灣e5口音。
本（1915）年in二位去日本歇熱。對日本轉來了後，koh無偌久牧師娘e5病較傷重。Ti7
11月5號伊本身有寫批寄hou7祖家e5親戚朋友，
報in知天父koh無偌久beh召伊轉去。Ti7批內有苦勸in莫tit憂悶煩惱，因為伊家己不止ai3轉去天父e5兜。
Hit路尾禮拜伊e5
心真正平安，大欣慕離開世間e5艱苦，ai3較緊kap咱e5主禮拜日，就是7號，伊有顯出臨終e5形狀。禮拜日頂晡講e5話屬ti7天國e5情形。有時伊有講：「今ng3望無偌久就到位。怎樣延chhian5
chiah久？ 若到位就好，真正福氣。」 Ti7 8號下晡beh臨終e5時koh出力ai3吟hit首詩。Hit
tiap8醫生有用睏藥hou7伊食，hou7伊e5身体較快活。梅牧師有ka7伊講：「這擺睏若精神kiam2-chhai2是ti7天堂，你beh怎樣？」伊應講：「An2-ni真福氣，是我e5心所願。」牧師koh講：「我所疼e5賢妻，你koh無久就會到父兜，歡喜無？」「歡喜lah！」Koh無久就斷氣，那親像安然好睏e5款式。
Hit 3日e5中間蘭醫生（蘭大衛，Dr.
David Landsborough） kap戴醫生（戴仁壽，Dr.G.Gushue-Taylor）以及醫生娘不時kap伊ti7
leh,gau5照顧來奉承伊。牧師娘得著伊e5疼，逐擺就ka7
in說謝。供給伊e5 人看見伊e5款式真感心。
論伊葬儀式beh記真久。Ti7
9號下晡4點鐘，眾會友對四位來聚集赴禮拜續送葬。台中kap別位e5
會友以及傳道師有來赴。台北e5劉牧師對嘉義轉來歇腳ti7彰化。林牧師tu2-tu2無ti7
leh,有人請劉牧師做主理禮拜。赴禮拜e5人真濟。禮拜煞梅牧師有講幾句就講起牧師娘臨終e5情形hou7逐家聽，續說謝。教會聽了心肝就受感激。禮拜煞，ti7路中beh行e5時到埋葬e5
所在眾會友吟詩。Hit 下晡天氣真清，月tu2仔出來，墓e5面前氣象清秀，逐項tu2好來合牧師娘e5天國。Beh安葬hit時英國牧師、醫生、醫生娘以及姑娘將伊平生所
ai3 e5詩（按：How
Bright These Glorious Spirits Shine）來吟。Hit首詩實在好聽。Hou會友聽了受著感念。
TaN咱逐家讀這篇著歡喜來學牧師娘e5款式。伊對細漢疼主耶穌，到長生ai3做主e5工。得著機會做主e5差用，就歡喜離開祖家親戚來tiam3
ti7咱e5中間。肉体雖罔時時知痛，無嫌艱苦，反轉是ai3体貼別人。又koh得著天父e5揀召，hit時伊甘願離開凡間e5
所在，ai3 kap咱e5主耶穌永遠企起。
今列位朋友，咱逐家著求天父幫贊咱來學梅牧師娘e5虔誠，著替梅牧師求天父來安慰伊e5心，向望伊歡喜koh再tiam3
ti7咱e5中間，引chhoa7濟濟人來入ti7上帝聖會，是心所願。
