梅牧師的批 (1929年10月15日寫)

 

頁Home /本土信徒 / 日人列傳 /宣教師 / 洋神父 / 原住民 / A / B / C / D / E / F / G /  H / I-J / K /  L /  M  / N-O / P-Q / R / S / /  V / W  

梅監務牧師 (Rev. Campbell Moody) 1929年10月15日寫 《台灣教會報》537卷,1929年12月 1929年10月,聯合自由教會終於回歸國教會,合併後稱蘇格蘭教會(Church of Scotland, CoS),成為全球極有實力的長老教會!梅監務牧師就是參加此盛會。請參見《教會史話》611 蘇格蘭教會的創始、614 蘇格蘭教會的離合、615查麥士和自由教會 等文。

批寄hou7台南基督教e5中會佮眾兄弟姊妹收。
願lin2 大家得著咱e5天父上帝e5疼痛佮主耶穌e5恩典,以及聖神啟示氣力e5充滿。
Tui3相離別到今已經有經過5年較足。是我佮我e5 婦人人toa3 ti7大雅e5 時,ai3鬥設教會,有染著1等號較重e5熱病;hit 個病常常koh 起hou7我身軀較lam2,無力thang ti7這爿傳主道,亦攏be7得thang koh來台灣。若是阮無lang3 日tauh8-tauh8-替lin2 逐家祈禱感謝上帝,koh 求主開路hou7阮會佮所數念e5信者相見面。
1月日前我有接著電報講,中會(就是中會e5議長)託我去赴蘇格蘭教會e5總會,thang 講幾若百年e5中間boe7 bat抵著親像這pang e5款式。
較無400年前國內e5百姓有同心歸正成做長老教。真無采,皇帝ai3勉強教會變做Kamtok-教。教會m7 敢降服,ai3趁上帝e5命令。皇帝亦bat 赴總會,意思是beh壓制眾牧師長老;in攏m7 認皇帝做教王。In所議定無照伊e5旨意,皇帝就命令總會著四散;in決斷m7
教會若同心就較m7 免驚皇帝e5哄喝。從中有牧師較冷淡、較小膽,koh ti7議院有國議員無tui3 重道理,ai3世間e5榮光、歡喜趁皇帝e5命令。Tui3 an2-ni - 200外年前蘇格蘭e5教會有受大窘逐悽慘。主後1662年寒天時政府有出命令,講tui3 20年前以後上任e5牧師著認hiah e5 kamtok- -做主,koh 著hou7地方e5業主舉薦,才會堪得當職;若無著lut 職,koh m7准in企起ti7 hit地方,就是in往過所toa3 e5拜堂e5近圍。Hit 時國內e5牧師倚1200名,從中上熱心-e5是hiah e5- 20年久以下當職-e5。無扑算400個決斷m7 降服,甘願放sak 禮拜堂、厝宅、某子,去四界流,四界bih。禮拜日拜堂濟濟間攏關--teh,信者就走去內山較閃避e5所在,聚集ti7 山坑,聽盡忠牧師e5道理;濟濟人煞醒悟、反悔,接納耶穌做in e5救主。
Hit時代e5牧 、信者真艱苦到極。Ti7 山-nih8講道理聽道理攏是犯國法e5罪。28年e5中間hong5關落監、gi2流 、定死罪,以及hiah e5- 為道理走去外國,抑是ti7 本國走去bih ti7山穴煞寒死、餓死e5牧師佮兄 姊妹共有倚2萬人(18,000)。
Hit個災厄已經過去。教會卻有較安靜,iau ku2-有時受壓制;第一阻擋道理是兄弟無甚物自由thang 揀選牧師。政府猶原ai3 chhap,將hit 個揀牧師e5權交代有家業e5人。富戶e5人,若無tui3重道理,有時揀資格無合e5人做牧師。信者m7 願禮拜,來聽hit 號e5 牧師,就獨立起拜堂請牧師。Tui3 an2 ni -一代過一代教會有那 ,hiah e5 ai3-自由e5人成做新e5教派。Hit號e5教派m7 是自由教(Free Church),猶原是長老會,佮國教無各樣。
今感謝上帝,這幾10年e5中間國內e5基督徒那有囥相和相疼相讓e5心;自由e5教派幾若個有漸漸合做一體,到主後1900年國內較要緊e5教派偆2個na7 tiaN7-,就是國教(Established Church)佮合一自由教(United Free Church)[按;就是蘇格蘭聯合自由教會(The United Free Church of Scotland)] 這2個攏是長老教,道理、教法、禮拜相同。Ti7 國教陪餐 有倚700,000名,ti7 自由--e5有倚500,000名。
Tui3 20年前國教e5牧師長老幾若人大欣慕beh 佮自由--e5聯合一個團體,就佮in hit爿e5 師、長老直直議論這層事。M7 na7 an2 ni in- -,有佮政府宰相參詳,求in著設法免tit別日官府chhap 教會e5 。古早教會提起這 事,政府攏m7 聽。佳哉這近來差真濟;下議院、上議院同心一意議 tui3 今以後無論皇帝、政府、官府著m7 thang chhap-教會e5事,煞認講教會有自由權。皇帝准。An2 ni siN-- 國教到永遠be7 會koh 受甚物政府e5強制手段,抑自由--e5 thang好膽佮國教合 。
所以今年 就是主後1929年10月初,國教e5總會有聚集,議定beh佮自由--e5合群,自由- e5 e5- e5總會同時也議定beh佮國教合群。然後國教e5眾牧師、長老成陣出外口行京城e5街路,兩人兩人掠排逐家相toe5 。抵好到hit 時自由--e5 眾牧師、長老猶原成陣出門行街路,行到較闊e5所在就佮國教--e5鬥陣,大家tim3 頭tun3手。通城e5百姓e-e 陣陣圍teh 看,koh 吟詩篇歡喜o lo2- 上帝。已經鬥陣hiah-e5 聯合e5牧師、長老就koh 行街路,4人4人掠排大家相toe3 ,行到大間拜堂感謝主。
到下晡聯合e5總會聚集ti7 一間公堂,hit 間會坐得萬二人。Ti7 hia牧師、長老、受託e5外國人佮受請e5官員、國議員、大學e5先生,以及別教派所派牧師、kamtok-、太-kamtok攏有來赴。信者幾若千亦聚集坐到滿堂。皇帝真ai3來赴總會,抵著破病e5阻擋就派皇子,m7 是親像古早e5款式ai3管總會,是ai3佮入教e5人認兄弟。Hit 時逐家有聚集幾若點鐘久,聽皇子佮總會e5議長以及濟濟出名e5人演說。紀事(書記)-亦讀幾若人恭賀e5批、電報,台灣教會大會e5電報亦在內。
阮亦1暗bat hou7京城e5官府請;又koh一日中晝總會e5議長佮-紀事(書記)有請台灣、印度、支那、德、瑞士、瑞典、米佮其餘hiah e5國e5教會所派e5人。
眾百姓大歡喜感謝上帝,想講到這時有得著較新款e5教會,就是自由e5國教,koh 國內e5信者較濟攏做一個團體。大家大向望求上帝施恩hou7信者,an2 ni- 合一下續合力來備辦主e5路ti7 本國佮外國。
現時蘇格蘭教會e5陪餐者 有1,300,000人。牧師 有 3,000人。長老 有 34,000人。宣道師,查甫佮查某倚800人。Koh 有48人做主e5工ti7 猶太人e5中間。
請台灣e5眾信者求上帝施恩hou7蘇格蘭e5教會,會受聖神e5感激,逐家心熱熱,gau5 榮光主,gau5 引chhoa7 冷淡、背逆、m7 ai3聽道理e5人來信靠耶穌。
1929年10月15號,梅監務ti7 Lennoxtown,Scotland寫。  

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述