聖冊佮巴克禮博士

王守勇撰 「聖冊佮巴博士」《台灣教會公報》597號，1934年12月，p.6-7

今仔日咱若讀聖冊(聖經)的時，就想著巴博士(巴克禮，Rev. Thomas Barclay, 1849-1935)。咱會通得著遮呢利便閣好的聖冊，是對巴博士苦心翻譯，這个恩，咱毋敢袂記得。

巴博士佇明治8年(1874)，���台灣的時；有看見對百外年的漢文的聖冊。當時對原文欲翻譯漢文的時，有真濟錯誤的��在；閣對漢文來翻譯的聖冊，彼个錯誤的所在，袂免得閣較濟。

明治17年(1884)，法蘭西來拍台灣，彼時佇台灣的宣教師攏閃避去廈門，親像按呢，�����教師會通踮一所在，是罕得拄著的機會；所以有開宣教師會議，佇彼時有決議著改譯聖冊，總是無人敢擔當這个責成。後來就決定分擔改譯。

翻轉年，拄好佇台灣新���有創設白話字印刷所，所以對各地方寄來，所改譯的原稿，就即時落去印。印了�����寄予各位的宣教師，予in批評紲閣照正，對按呢向望會通得著較完全的台灣話的聖�����������

按呢，對濟濟位的宣教師分擔來改譯的聖冊，袂免得有真濟的缺點，因為文章無統���，致到予讀的人真無心適。對按呢大家真欣慕愛閣再徹底的來翻譯一擺；拄好佇 大����2年(1913)，對廈門亦是有生起這个問題，就託巴博士做專任者來閣再翻譯。彼時巴博士拄是68歲，總是無嫌著磨，歡喜承諾，是真感謝的所在。後來佇廈門，伊有聘請兩位的漢學者做助理來���行，經過兩年久就清楚，就託橫濱的福音印刷所來印。佳哉印了不止順序，佇大正5年(1916) 5月，新翻譯的羅馬字新約聖冊已經出版，佇台灣，廈門，南洋來發賣，得著真大的歡迎。因為這幫新約是對原文希臘語直接來翻譯的，所以佮讀原文是差不多相像，袂免得得著真好評。

經過十冬，佇大正14年(1925)，佇廈門有議定，今著閣進行來翻譯舊約聖冊。應該是著對舊約先翻譯才著，總是因為新約較濟人咧讀，所以有先翻譯新約。 毋過舊約無閣翻譯亦是袂用得，這个工猶原託巴博士，彼時伊是80歲。對英國母會的勉勵佮台灣宣教師會的熱誠的懇請，伊亦歡喜承諾，為主來著磨。

佇昭和2年(1927)。巴博士對英國直接去廈門，踮遐來翻譯舊約，到佇昭和6年(1931)，就攏總翻譯了。後來伊就將所完成的原稿送去上海商務印書館，到昭和7年(1932) 7月，就校正1047面，拄到耶利米記的時，無拍算上海拄著事變，商務印書館拄著火燒，一年久所做的工一盡歸烏有。彼時巴博士拄是82歲；佳哉原稿猶佇伊的手，所以4年久所做的工無歸佇空空，是最感謝的所在。

為著按呢的衝突，一時巴博士有倒來台灣，不時teh探聽上海的消息，佮用文書來促進印刷。佳哉事件有得著平定，到昭和7年(1932) 10月，伊就閣去上海，來設法印刷的事。對按呢直直進行，到昭和8年(1933) 8月4日，就校正做一下清楚，後來就倒來台灣徛起。

逐日歡喜teh等舊約聖冊印咧欲好啦，到佇舊年(1933年)12月25號，果然有寄20部來台南，彼時巴博士佮咱的歡喜到袂講得。按呢新舊約的聖冊的改譯，就是攏完 成，親像按呢新舊約聖冊齊全，對一个人的手來翻譯的，實在罕得有。真感謝上帝，今仔日咱有天國的寶貝-聖冊-也有教會的寶貝-巴博士-咱的歡喜佮感謝 是不盡。願主賜福予伊盡忠的差用佮聖冊，會通曠闊主的福音佇台島，是心所願。